Meerwunder

Das Meerwunder [PDF]

			Nun hort und schweigt zu disser stunt:[Bl. 193r]
			Ich mach euch abentewer kunt
			Von einer kungine.
	A		Die was eim kunig lobesan.
5	A		Do wuchs ein teuffellicher man,
			Der wolt die frawen gewine.
	A	K	Er tet ir leides gar genug,
			Als ir hernach wert horen.
			Er was so grimig und unfug,
10			Al weib wolt er betoren.
			Er trug den reinen frawen has.
			Wo ym eine mocht werden,
			Die schwecht er und sie darnach fras.

			Nun mogt ir horen, wan er kom,
15			Derselbe teuffellische stom,
			Von wem er wurd geporen:
			Es sass ein edel fraw so her
		K	In Luneria pei dem mer,
			Ein kungin ausderkoren.
20			Die ging spacziren fur den walt
			Dort pei dem mer so wilde.
			Do kom ein merwunder gar palt,
			Ein graussamliches pilde.
			Das schwecht die frawen ausderkorn
25			Mit noten uber iren danck.
			Dovon der weidman wart geporn.

			Die fraw die leid gros angst und not,
			sie wer nahent gestorben dot [Bl. 193v]
			Wol von dem merewunder.
30		K	Er czwanck sie uber iren danck
			Und das die fraw wart totlich kranck
			Von dem graussamen kunder:
			Es het fus als ein fledermaus
			Und was rauch als ein pere,
35			Ging aufgericht in hohem praus,
			Recht als es ein mensch were.
			Es het augen nach falcken art,
			Sein maul was einer spane weit,
			Uber sein prust so ging sein part.

40	A		Die fraw gar nachent tot beleib,
			Pis das der teuffel do vertreib
			Sein lust do mit der frawen.
			Sie sprach: "awe der grossen not!
			Nun wolt ich lieber ligen dot
45			Den das ich hie sol schawen:
			So gar ein ungehewres pild
			Sol mir mein leib beczwingen.
	A	K	O her, nun pis mein schirm und schilt,
			Las mir nit misselingen!
50			Sol ich dem wessen untertan,
			Der als ein teuffel ist gestalt?
			Nit lang ich das gedulden kan."

			Do reit ein edel furst so her,
	A		Der gunt do iagen pei dem mer
55			hirs, hinden und manck wilde.[Bl. 194r]
			Do schrey die fraw so wol getan:
			"Helft mir, ir tugenthafter man,
			Hie von des teuffels pilde!"
			Das merwunder hub sich darvon
60			Und het sich schir verkrochen.
	A		Do sprach der furst so wol getan:
			"Fraw, was hat euch geprochen,
			Das ir so iemerlichen schreit?
			Sagt mir ewr not und all ewr clag.
65			Kan ich, ir wert von mir gefreit."

			Do sprach die fraw gar wol getan:
	A		"Ach her, ich was in dissen tan
	A		Durch kurzweil her gegangen.
			Do kom ein graussamlicher degen,
70			Der hat gewalcz hie mit mir pflegen.
			Mir wart nie zeit so langen.
			Nun hat euch got wol her gesant,
			Es wer gewest mein ende!
	A		Do ir komt, der teuffel verschwant
75			Von mir also behende.
			Und wert ir mir zu trost nit kumen,
			Ich mein, das teuffellische pild
	A		Het mir mein leben gar genumen.

			Des ist bekumert hie mein sin."
80			Er sprach: "wo ist der teuffel hin?
			fur war, ich wolt euch rechen.
			Und das ich in mocht kumen an,
			Sein leben must er mir hie lan
			Oder must mir meins prechen.
85			Nun sagt mir, werde fraw so zart,[Bl. 194v]
			Und wo er hin sey kumen."
			Do sprach die fraw von hoher art:
			"Des hab ich nit vernumen
			Und wo der teuffel kumen ist.
90			Ich mein, er sey im wildem mer,
			Dar in sein wanung ist al frist."

			Do sprach der edel furst so zart,
			Der was ein here in Lampart:
			"So zichet mit mir heime
95			Und al ewr sorg die sey gelegen.
			Man sol ewr tugentlichen pflegen
			Als zarten frawen reine."
			Sie sprach: "mein her, des danck euch got,
			Edler her so lobesane.
100			Det ichs verleit, so sturb doch dot
			Doheym mein lieber mane.
			Do ich heut morgen von ym ging,
			Doch gab er mir lieblich sein kuss,
			Mit armen schon er mich umbfing.

105			Ich kan sein nymer mer verclagen,
			Das ich mich tet so vere wagen
			Her in die grunen awen,
			Das ich mein er verloren han.
			Ich mein, auf erden nie kein man
110			Gewan als lieb ein frawen
			Als mych mein her in ganczer lieb
			Het lieb von ganczem herczen.
			Nun hot der teuffellische dieb
			Gemert mein leid und schmerczen,
115			Der mir mein er genumen hot.[Bl. 195r]
			Und wirt sein yn mein lieber her,
			Ich sprich fur war, so stirbt er dot."

		K	"Ach fraw, nun lat ewr senes clagn,
			Do von do sol man nymant sagen,
120			Ir wurd der sach beczwungen.
			Wolt ir, ich gib euch gut geleit,
			Pis ir kumpt in ewr sicherheit.
			Hot es euch mysselungen,
			So secht euch furpas eben fur
125			Und tut nit mer spacziren
			Allein für ewres hausses tur,
		K	So pleibt ir wol pei wiren.
			Das sol euch sein ein warung gut
			Und get nit furpas in den hag,
130			Ir wist den, das ir seit behut."

			Die aussderwelte fraw gemeit
			Der edel furste heim beleit
			Pis an ir gut gewere.
			Die fraw die was betrubet ser,
135			Wan sie gedacht wol an ir er,
			Ir hercz das was ir schwere.
			Das gunt mercken der kunck lobsan,
			Das sie was ser betrübet.
			Er sprach: "zart fraw, was ligt euch an,
140			Das ir in leit euch ubet?
			Was pricht euch, was ist euch geschechen?
			Die weil ir habt gewant pei mir,[Bl. 195v]
	A		Hab ich euch so trawrig nie gesehen."

	A		Die fraw die sprach: "trawt here mein,
145			Ir sult eins guten mutes sein,
			Und mir gewiret nichte."
			Sie tet, als sie der here lert,
	A		Der sie vom teuffel het dernert
	A		Aus iemerlicher pflichte.
150		K	Gar dick sie do erseuffen gund
			Und wo sie was alleine.
	A		Das merckt ir her zu manger stund
			Von seiner frawen reine.
			Wie vil der her sie darumb fragt,
155			So wolt sie in betruben nicht,
			Das sie ym do von nichcz nit sagt.

			Doch wart wachssen der frawen leib,
			Als noch hie tun die zarten weib,
			Wen sie sein schwanger worden.
160			Darnach sie do ein kint gepar.
			Sein haut die was mit schwarczem har
	A		Geleich der peren orden.
			Der her und auch die fraw erschrack,
			Do sie das kint an sahen.
165			Der her sprach: "was das deuten magk -
			Ob mich got wil verschmahen?
			Desgleich ich nie gesehen han,
			Wan das kint ist rauch als ein per,
			Sein augen rot und schwarcze gran."

170			Das kint zoch man gar lobesam [Bl. 196r]
			Pis es zu czwelff iaren kam.
			Do nam es zu mit krafte,
			Das nymant mocht vor ym bestan.
			Vil manig werder kuner man,
175			Der wart von ym gestrafte,
			Das iderman den teuffel floh
			Und seinen grimen zoren.
			Wer sich mit vechten gen ym zoch
			Und der must sein verloren.
180			Darumb so floch in iungk und alt.
			Er wolt den kungk vertreiben
			Von seinen landen mit gewalt.

	A		Grosser untat er sich annam,
			Was er der iunckfrawen ankom,
185			Die schwecht er alle czware.
			Gar heimelleich so tet er das
			Und darnach ers zu speise as,
			Das man vil iunckfraw clare
			Verlas wol in des kunges reich,
190			Dye er al het gefressen.
			Betreübet wart der kungk geleich,
			Das er sich het vermessen
			Zu schwechen vil der iunckfrawen her,
			Die er heimlichen alle frass,
195			Das man ir keine gesah nit mer.

			Der edel kunig ausderkorn
			Het mank schone magt verlorn
	A		Wol von dem argen wichte.
			Und sprach zu ym: "werstu mein sun, [Bl. 196v]
200			So solstu adellicher tun.
			Dein weis gefelt mir nichte.
			Werstu von adellichem stam
			So testu pas geparen."
			Do der teuffel die wort vernam,
205			Das tet ym also zoren,
			Das er dem kunig trug gros has.
			Er wolt den vater toten,
			Wen er verpringen mochte das.

			Dem edlen kung vor etlich iarn
210			Het ym sein weib ein sun geparn.
			Der was starck, frum und kune
			Und ym man grosse ere seit.
			Dem trug der panckhart has und neit
	A		Wol umb sein er und schune.
215			Der panckhart stellet nach seim leben
			Dem vater und dem sune.
			Er tet ser nach dem kunckreich strebn.
		K	Er wolt in den tot tune
			Und er wolt selber here sein.
220			Darumb vil mancher werder man
			Von ym kom in des dotes pein.

			Do der vater und sein sun sach,
			Das er in also stellet nach
			Wol umb ir peider leben,
225			Do sprach der vater zu seim sun:
			"Dein pruder wirt uns den todt tun
			Und hut wir uns nit eben.
			Mich dunckt nit, das er mein sun sey,
			Das er uns wil derstechen.[Bl. 197r]
230			Was wil der arge teuffel frey
			Hie an uns peiden rechen,
			Das er uns pringen wil in not?
	A	K	Ein sin woln wir wol finden,
			Das er mus selber ligen dot."

235			Der vater sprach zum sun gar schan:
			"Wir haben manchen werden man.
			Las wir ein mit ym streiten,
			Wan er gros lieb zu morden hat.
			Ob ein man in precht in not,
240			Der solt zu allen czeiten
			Pei uns der peste sein genant
			Ob allen werden fursten."
			Do das manck werder man bekant,
			Die gunt nach eren dürsten.
245			Itlicher sprach: "traut here mein,
			Wes ir von mir begeret,
			Des wil ich euch hie dinsthaft sein."

	A		Die werden held gar wunesam,
	A		Waren dem rawen alle gram,
250			Wol umb sein ubel mute,
			Das er vil werden manchen man
			Het den pitern tod gethan
			Und vergossen het sein plute.
			Die wolten sie nun rechen al,
255			Darumb komens zu noten.
	A		Wol funfzick man pracht er zu fall,
			Die er all gunte toten,
			Die er all nacheinander dot schlug.[Bl. 197v]
			Der man ye ein nach dem andern
260			Also dot hin zum grabe trug.

			Do wolt in nymant mer bestan.
			In schewet mancher werden man,
			Die teten vor ym flichen,
			Wol vor dem teuffel ungehewr.
265			Dem kung dem wurd freude teur.
	A		Auf sein pest schlos do gunt er czichen,
			Dasselbig schlos das spert er zu
			Vor dem schewchslichen kunder.
			Der arge teuffel het kein ru.
270		K	Nun mügt ir horen wunder:
	A		Er scheuchet weder pfeill noch gschos,
			Des schlosses tor das stis er auf
			Mit einem mordiglichen stos.

			Die weil het sich gewapet an
275			Der kung, der sun und die fraw schon
			In stahel und yn eissen.
			Der kung sprach: ›nun helffet mir,
	A		Das wir toten das arge tir;
			Dar umb wirt man uns preissen.
280			Ob ich das thir gemachet han,
			Des kan ich nit gelauben.
			Er ist der teuffel weideman,
			Er wil uns hie berauben
			Des kunigreichs, merket eben.
285			Darumb wil er uns pringen
			Alle drey umb unsser lebn.

			Der rauch kom zu in in den sall[Bl. 198r]
		K	Und schlug auf sie gar unczal
			Der starcken schleg so schwere.
290			Der vater und sein lieber sun
			Die teten, was sie mochten tun.
			Die edel kungin here,
			Die edel kungin hoch genant
			Die lies sich nit verdrissen.
295	A		Sie het ein pogen in der hant,
			Do mit do gund sie schissen
			In den rauchen vil manchen pfeil.
			Doch schlug er tiffe wunden
			Dem vater und dem sun die weil.

300			Die muter vil pfeil in in schos
			Und das vil plutes aus ym flos,
			Das es schwam auf dem salle.
	A		Der vater und der sun do mit
			Ym manche tiffe wunden schrit,
305			Das er tet einen falle.
			Der vater und sein lieber sun
			Sich an dem rauhen rachen.
			Der stiche heten sym vil tun,
			Pis das sie in derstachen.
310			Darzu halff yn das werde weib,
		K	Und das do wart erneret wol
			Hie vor dem tod der dreyer leib.

			Do nun der rauche lage tot,
	A	K	Der kunck sprach: "fraw, nun sagt dur got,
315			Wie habt ir in enpfangen?[Bl. 198v]
			Das sagt uns sicherlichen eben,
			Es sol euch alles sein vergeben,
			Ob ir het myssegangen."
			Die fraw die sprach: "mein lieber her,
320			Last mich pei ewrer hulde!
			Ich gynng spacziren nit gar fer,
			Do durch kom ich in schulde.
			Do fing mich also graussamlich
			Ein schewchssliches merwunder
325			Und das det ser beczwingen mich."

			Der kung der sprach: "trawt frawe mein,
			Das sol euch gar vergeben sein,
			Seit ir sein wurt beczwungen.
	A		Nun sagt mir, ob es euch zym,
330			Und wie ir kumen seit von ym
			Und do es euch mislungen?"
		K	"Ich sach ew sicherlich fur war:
			Ein her der gunt herczichen.
			Ich ruft in an mit noten gar,
335			Das merwunder gunt flichen.
			Der her der half mir do aus not
			Und tet mich heim beleiten.
			Des sol ym ymer dancken got."

			"Ir ausderwelte fraw so fein,
340			Und mocht es noch pei leben sein,
			Das selbig merewunder,
			So wolt senden ich euch do hin,
			Ob noch zu euch ym stund sein syn,[Bl. 199r]
			Das wir das scheuchslich kunder
345			Auch mochten toten zu der stund,
			Und das ir wurt gerochen.
	A	K	Dodurch so wurd mir freude kunt
			Und als mein leit zuprochen."
			Die fraw die sprach: "des weis ich nicht.
350			Ich tu was ir gepitet,
			Was mir halt darumb geschicht."

			Er sprach: "zart fraw, so get so drat,
			Do euch der arg genotet hat,
			So wil ich und mein sune
355			Verporgen ligen auch dopei.
	A		Wir wollen trewlichen sten euch frei,
			Das er euch nichcz mag tune."
			Die fraw legt an ir zirlich wat
	A		Mit schonheit manigfalde
360			Und ging dar zu des meres flut.
			Das merwunder kom palde.
			Do heten sich verporgen schon
			Der vater und sein lieber sun;
			Das merwunder in nit entran.

365			Sie fingen do das merwunder.
			Do sprach die edel fraw so her:
			"Ich wil mich an ym rechen!"
			Und sie nam ires heren schwert.
			Sie sprach: "des han ich lang begert,
370			Das ich dich sol derstechen.
			Du hast betrubet mir den sin[Bl. 199v]
	A		und pracht zw grossem grawen."
			Das schwert das stach sie dick durch yn.
			Sie sprach: ›du solt kein frawen
375			Nimer pringen in solche not!‹
			Das swert das stach sie dick durch in,
			Pis das er vor ir lage dot.

			Do sprach der kunig und sein sun:
	A		"Fraw, ir habt euch gerochen nun,
380			Ir solt nun gar fro seine.
			Und habt furpas ein guten mut
			Und nimer also torlich tut
			Und das ir get alleine
			Spacziren furpas an das mer,
385			So mag euch nit misslingen.
	A		Sein sun het manchen helt so her
			Hie umb sein leben pringen.
			Auch wolt er uns han pracht in not,
			Doch hat uns got geholffen,
390			Das sie von uns peid ligen dot."

			Do czugen sie mit freuden hein
			Der kunck, der sun, die fraw so rein
			In also hohen eren.
			Die sach die plib also verschwign,
395			Die fraw wart keiner uner czigen.
			Dopei so nemet lere,
	A	K	Das man in solchen sachen sei
			Verschwigen und getrewe.
		K	Wer das dut, der ist eren frei
400			Und pringet im kein rewe.
	A		Wan es ist der welt sit also,
			Das mancher hie auf erden ist
		K	Des seinen nechsten ungluck fro.

Meerwunder – Editionstexte

Das Meerwunder [PDF]